Fakta Seputar Danau Toba
Featured
Pengunjung Makam Raja Sidabutar di Samosir Semakin Berkurang
Tomok Samosir

Categorized | Adat Batak

Angka Umpasa Sidohonon di Tingki na Mangulosi Penganten

Posted on 06 July 2012 by Yulianto Parulian Saragi Sidabutar | Views (683)





Opatopat do i sastel asa lengkap i ma na sumintahon:

- Asa hot parsaripeon i.

- Asa gabe.

- Asa sahat sintasinta i.

- Asa denggan pansarian.

 

Di ginjang do arirang, di toru panggonggoman;
Badanmuna ma na so sirang, tondimuna sai masigonggoman.

Giringgiring ma tu gostagosta, tu boras ni singkoru;
Sai tibu ma hamu mangiringiring, tibu mangompaompa anakga anak dohot boru.

Rimbur ni pangkat ma tu rimbur ni hotang;
Tung aha pe dijama hamu, sai i ma parohon pansamotan.

Sahatsahat ni solu sahat ma tu bontean;
Sahat ma hamu leleng mangolu, sahat tu panggabean.

Mandurung di Aek Natolu manjala di Siguragura;
Rap leleng ma hamu mangolu, sahat tu na saur matua.

Laklak di ginjang pintu, singkoru ginolomgoloman;
Maranak ma hamu sampulu pitu marboru sampulu onom.

Hotang hotari tu hotang simarhorhora;
Sai gogo ma hamu mansari, jala tibu ma hamu mamora.

Sahatsahat ni solu sahat ma tu Tigaras;
Sahat ma hamu leleng mangolu, gabe jala horas.

Napuran ni Parsoburan tu gambir ni Sitapongan;
Tangkas ma hamu sai sauduran jala sai masihaholongan.

Tubu ma tambinsu di toru ni pinasa;
Sai tubu ma dihamu angka anak na bisuk, dohot angka boru na ulibasa.

Andor has tu andor his tu andor simartolu;
Sai rap boras ma hamu rap torkis, jala sai dapot ngolungolu.

Sahatsahat ni solu sahat ma tu labuan;
Sahat ma hamu leleng mangolu, sai diiringiring Tuhan.

Tali pintu tolu, ihot ni ogung oloan;
Rap leleng ma hamu mangolu jala sai satahi saoloan.

Binsar mata ni ari, poltak mata ni bulan;
Sai tubu ma di hamu angka boru na malo mancari, dohot angka anak na gabe raja panungkunan.

Bona ni aek Puli di dolok Sitapongan;
Sai roma tu hamu angka na uli, jala sai dor nang pansamotan.

Sahatsahat ni solu, sahat di rondang ni bulan;
Rap sahat ma hamu leleng mangolu, jala rap sioloi Tuhan.





Related Posts


 

Popular Posts


  Legenda Makam Raja Sidabutar
true  Tomok Samosir
true  Fakta Seputar Danau Toba
true  Legenda Sigale-gale
  Taringot tu Umpasa

2 Comments For This Post

  1. Putra Sonakmalela Says:

    mantap bah…

  2. Darwinsar Sinurat Says:

    mantap


RECENT VIDEOS

Click below to view videos...

ADVERTISEMENTS





Sidabutar.INFO at Flickr

See all photos



  • Twitter is currently flying the fail whale
  • Networked Blogs

  •  
    ADVERTISEMENTS

    Advertisement