Fakta Seputar Danau Toba
Featured
Pengunjung Makam Raja Sidabutar di Samosir Semakin Berkurang
Tomok Samosir

Categorized | Adat Batak

Taringot tu Umpasa

Posted on 25 June 2012 by Yulianto Parulian Saragi Sidabutar | Views (866)





Ndang dos umpama dohot umpasa. Ia umpama boi ma i tarpatudos tu “pepatah” di hata Indonesia, jala umpasa tu “pantun”. Ia umpama ndang boi paubaubaon. Umpamana hata ni umpama, “Tedek songon indahan di balanga”, ndang boi paubaon i jala dohonon rupani: “Tedek songon juhut di balanga”.

Alai ianggo umpasa boi do paubaubaon manurut tu pangalaho ni ulaon i. Rupani, di tingki ulaon unjuk, didok ma:
Sahatsahat ni solu, sahat ma tu bontean;
Sahat ma hita leleng mangolu, jala sahat tu panggabean. Alai di tingki ulaon marhotas tu hamusuan najolo didok ma:
Sahatsahat ni solu, sahat ma tu bontean;
Sahat ma hita saur mangolu, alai musunta marragean.

Laos boi do ubaon umpasa i, marhite na manambai manang paasingkon deba hatana asa dumenggan jala tumoho, rupani:

1. Ompu Raja Ijolo martungkot siala gundi,
Pinungka ni angka ompunta parjolo siihuthonon ni hita na di pudi.
Ubaon ma i gabe:
Ompu Raja Ijolo martungkot siala gundi,
Angka na uli pinungka ni angka ompunta parjolo, siihuthonon ni hita na parpudi.

2. bintang na rumiris tu ombun na sumorop,
Anak pe antong riris, boru pe torop.
Tinambaan hatana asa lam denggan, jadi nidok ma:
Bintang ma na rumiris tu ombun na sumorop,
Toho di rondang ni bulan:
Anak pe antong riris, boru pe torop,
Angka siolo Tuhan.

3. Agia pe lapalapa asal di toru ni sobuon,
Agia pe malapalap asal ma di hangoluon.
Roa do umpasa on begeon, jadi niuba ma songon on:
Unang ma lapalapa nang, di toru ni sobuan,
Sai unang ma malapalap molo nungga di hangoluon.
Ia angka umpama boi dohonon, songon na statis do, ndang berkembang, alai ianggo umpasa martambatamba do. I ma alana umbahen ma adong di tingki on na tagoari “umpasa modern”, rupani.

4. Manggoreng di balanga, mardisir mardosor;
Sai tubu ma angka boru na gabe sarjana, dohot angka anak na gabe propesor.

5. Nangkok dalan tu Berastagi, tuat dalan tu Medan;
Sai unang ma hamu parjalan kaki, naeng ma nian parmotor sedan.





Related Posts


 

Popular Posts


  Legenda Makam Raja Sidabutar
true  Tomok Samosir
true  Fakta Seputar Danau Toba
true  Legenda Sigale-gale
  Taringot tu Umpasa

2 Comments For This Post

  1. Putra Sonakmalela Says:

    mantap bah…

  2. Darwinsar Sinurat Says:

    mantap


RECENT VIDEOS

Click below to view videos...

ADVERTISEMENTS





Sidabutar.INFO at Flickr

See all photos



  • Twitter is currently flying the fail whale
  • Networked Blogs

  •  
    ADVERTISEMENTS

    Advertisement