Fakta Seputar Danau Toba
Featured
Pengunjung Makam Raja Sidabutar di Samosir Semakin Berkurang
Tomok Samosir

Categorized | Adat Batak

Angka Umpasa

Posted on 25 June 2012 by Yulianto Parulian Saragi Sidabutar | Views (733)





1. Sori manungkun, sori mandapot,
Matua manungkun ma na ro tu na nidapot.

2. Bangunbangun sinua, bangunbangun do salongan;
Molo na uli sinuan, laos na uli do jaloon.

3. Sihampir gabe gambir, tandiang gabe toras,
Tu dia pe so tampil, tung tu ahu aha pe so bolas.

4. Tangkas pe jabu suhat, tangkasan do jabu bona;
Tangkas ma hita maduma, laos tangkas ma nang mamora.

5. Nirimpu do gugutna, hape saitna;
Nirimpu do buruna, hape gaitna.

6. Binsar ma ma ni ari, poltak mata ni bulan;
Sai horas ma angka lahilahi, sai horas nang angka parompuan.

7. Pir do pongki, bahulbahul pansalongan;
Pir ma tondi, sai ro ma pangomoan.

8. Marisap nama jo, manang beha hinatabona;
Marpingkir nama jo, manang beha pangalahona.

9. Hotanghotang so dohonon, ansimun so bolaon;
Hata na so sidohonon, tongka do paboaboaon.

10. Pusuk ni tobu na poso uramuram ni situma;
Sungkunon ma gogo tu na poso, ruhut adat tu natuatua.

11. Tuat ma pandurung, nangkok ma parsoban;
masidolosan pe tanggurung, tingka do masihaoran.

12. Unang jolo siburinsak, asa porapora;
Unang jolo hona insak, asa pinauba roha.

13. Hotang pinabebebebe, hotang pinapulospulos,
Ndang jadi iba mandele, ia godang do tudostudos.

14. Naung indahan, tongka do dudaon,
Naung ni oloan, tongka do juaon.

15. Unang girgir mambau, anggo so binoto do mambibiri;
Unang girgir iba marjabu, anggo so binoto do mamparabiti.

16. Sinuan bagot, bagot marpilopilo;
jotiot do naung pangidoan, gabe mangidoido.

17. Bulung ni bulu do i, tu bulung ni hotang;
Ia tundal sarupa musu, hape dompak sarupa dongan.

18. Mangkuling taguktaguk, di atas ni arirang;
Hunsus na baru saut, bau na baru sirang.

19. Daling ni dalingkon, masuak hodong ni bagot;
Tading ma tinadingkon, hape na nieahan pe so dapot.

20. Nidanggur ambaroba, ambaroba na so ra hona;
Bangko ni hita jolma, sai masiahut tu jolona.

21. Molo tampil tu parsoburan, ingkon siat do tu panggatan;
Molo tangkas do di partuturan, ingkon dohot do di parjambaran.

22. Rade ampapaluan, porapora di salean;
Raja do pangalualuan, na mora paulaean.

23. Solot bulung hahombu, tu dangka ni arirang;
Salang na marpahompu, adong do i na sirang.

24. Marluga sitindaon, mangan hoda sigapiton;
Tu jolo ni langkahon, tu pudi sinarihon.





Related Posts


 

Popular Posts


  Legenda Makam Raja Sidabutar
true  Tomok Samosir
true  Fakta Seputar Danau Toba
true  Legenda Sigale-gale
  Taringot tu Umpasa

2 Comments For This Post

  1. Putra Sonakmalela Says:

    mantap bah…

  2. Darwinsar Sinurat Says:

    mantap


RECENT VIDEOS

Click below to view videos...

ADVERTISEMENTS





Sidabutar.INFO at Flickr

See all photos



  • Twitter is currently flying the fail whale
  • Networked Blogs

  •  
    ADVERTISEMENTS

    Advertisement