Fakta Seputar Danau Toba
Featured
Pengunjung Makam Raja Sidabutar di Samosir Semakin Berkurang
Tomok Samosir

Categorized | Adat Batak, History

Partuturan Hulahula

Posted on 27 April 2012 by Yulianto Parulian Saragi Sidabutar | Views (992)



Partuturan Hulahula


Hulahula i ma:

1. Tunggane (lae) dohot simatua ni suhut (on ma na ginoaran apala hulahula ni suhut).

2. Tulang (apala hulahula ni amang ni suhut)

3. Bona tulang (bona hula) i ma apala hulahula ni ompung ni suhut.

4. Bona ni ari (apala hulahula ni amang ni ompung ni suhut).

5. Bona ni ari nama ginoaran sude hulahula na di ginjang ni i.

6. Tulang rorobot (tulang ni tunggane boru ni suhut dohot tulang ni inangna dohot tulang ni ompung boruna manang pomparan ni i). Boru ni tulang rorobot ma na nidokna boru ni tulang na so boi olion, ai baoniba do i.

7. Laos hulahulaniba do antong etongon sude hulahula ni dongan sabutuha.

 

Filsafah taringot tu hulahula:

a. Sigaton lailai do na marhulahula. Lapatanna: suman tu na manontuhon manuk jambe manang manuk boruboru sai jolo sinigat lailaina, songon ido ingkon sai manatan jala tangkasan pangalaho (sifat-sifat) dohot na hinalomohon ni angka hulahulaniba, asa i bahenonta na songon sipatudu (pedoman) di angka ulaon adat maradophon nasida.

b. Na mandanggurhon tu dolok do iba manglehon tu hulahula. Lapatanna: Sai marlipat ganda do pasupasu jaloon (sian Tuhanta) molo basa iba marhulahula.

c. Hulahula i do debata na tarida. (Noot: ia istilah “debata” dison ndada marlapatan “Tuhan Debata”, ai pandokna pe ingkon marondolan (bertekan) di ruas “ba” do ndada di ruas “ta”. Asa lapatan ni pandohan i pe on do: Ingon mansai sangap do berengon jala bahenon hulahula)

d. Hulahula i do mula ni mata ni ari binsar. Hatoranganna: Ia anak dohot boru dietong halak Batak do i mata ni arina. Holom do portibion di pangkilalaan ni halak na so mardakdanak. Jadi lapatan ni pandohan i on do: Ala boru ni hulahula i do na gabe haroroan ni hagabeon nidonganan ni pasupasu dohot nidonganan ni tangiangnasida tu Tuhanta i, gabe ginoaran ma nasida mula ni mata ni ari binsar.

e. Obuk do jambulan na nidandan baen samara; Pasupasu na mardongan tangiang ni hulahula mambahen marsundutsundut so ada mara.

f. Ni durung situma, laos dapot porapora; Pasupasu na mardongan tangiang ni hulahula mambahen na pogos boi gabe mamora.

 





Related Posts


 

Popular Posts


  Legenda Makam Raja Sidabutar
true  Tomok Samosir
true  Fakta Seputar Danau Toba
true  Legenda Sigale-gale
  Taringot tu Umpasa

2 Comments For This Post

  1. Putra Sonakmalela Says:

    mantap bah…

  2. Darwinsar Sinurat Says:

    mantap


RECENT VIDEOS

Click below to view videos...

ADVERTISEMENTS





Sidabutar.INFO at Flickr

See all photos



  • Twitter is currently flying the fail whale
  • Networked Blogs

  •  
    ADVERTISEMENTS

    Advertisement